Heimatverein Dinklar

An der Kirche 3

31174 Schellerten

Dütt un datt up Platt

Hoal döine Decke sülmst

Neulich feuere ek midder Boahn noa Berlöin. Nachts midden Sloapwogen. Ar ek instöigen diä, sä mek däi Schaffner: „Et is huite bannig vull. Wöi hebbet niur en Abdeil fröi, wue all en Bedde belegt iss. Datt undere Bette hätt ne junge Friu." „Och", sägge ek, "dat stürt mek eoberhaupt nich, ek klah beoben int Bedde, decke mek tau un sloape."
Groade sin ek innesloapen, kloppet et von unnen an möine Matratze un et sä mek: „Ach mich fröstelt so, wären Sie vielleicht so nett und würden mir noch eine Decke besorgen?" Ek keik runder un segge: „Weiße watt, Mäken, viellichte wasset for ösch baden lichter, wenn wöi sau dien, ar würn wöi Mann un Friu"? „Oh ja gerne", röppt dat Mäken ganz freudig, "sofort." „Noa giut, denn stoa man upp un hoale döine Decke sülmst!"

Anekdoten

Hein Eohlns, woll sek moal von Anton´e en Aehrnwogen läih´n. Wuet denne die masten Toit sau iss, wass Hei nich in Hiuse, sondan upp´n Felle.

Söin Wöiw Gunda, däin Hein aber noch nich kenne, woll oaber däin Wogen nich riut gieben. Doa dreohe Hein Ühr mit däin Wuren „Entweder diu giffst mek niu däin Wogen, eoder oaber ek baldere dek döin Oas.

Anekdote von Hein Ohlms
Original und Milchkutscher aus Dinklar

***

Gruß an die Nachbarorte

Ein Reimspruch von der Uroma

Upp’n upp’n Brinke

Acht'n inne Sinke

Ah’n hindere Miuern

Bettmasche Biuern

Dinklärsche dicke Tasche

Ottbersche Siupflasche

Wendtiusche reoe Röcke

danzet woe däi Ziegenböcke

***

Dischgebäte

Wer wisse anne Arbat sitt,

hätt eok verdeint, dat hei wat itt,

       diu giffst ösch Freude un eok Neot,

       diu sorgst forr iuse täglich Breot,

datt alle Joahr watt wassen dat,

böi dek in giuen Hännen staht,

       denn oahne dek kann höier upp iren,

       nich eine Ihre röipe wieren,

niu kumm un loat dek böi ösch doal,

un segne ösch niu iuse Moahl.

Oamen